DÍA DA AUGA DA ÁRBORE E DA POESÍA

Os centros educativos da Comarca de o Carballiño 

renderon unha homenaxe á natureza e á lingua galega.

Celebramos o

 Día das Árbores, da Auga e da Poesía, 

na Insua dos Poetas.

Participaron oito centros educativos: IESnº1, IES Chamoso Lamas. Colexio Sagrado Corazón e Vila do Arenteiro, do Carballiño, e da comarca os colexios de Bearíz, Irixo e Boborás, e como centro convidadoeste ano, o colexio de Maristas de Ourense.

Cada centro elexiu unha palabra vencellada coa auga e despois realizou unha actividade relacionada coa mesma. Así léronse textos dramatizados, cantáronse cancións e realizáronse  coreografías.

O acto estivo organizado polo Ceip Nosa Sra de Xuvencos
(Boborás), e contou coa asistencia de numerosas autoridades. Así, asistiron o secretario xeral de Política Lingüística, Valentín García; o presidente da Deputación Provincial, Manuel Baltar; o alcalde do Carballiño, Francisco Fumega; o concelleiro de Cultura do Carballiño, Diego Fernández; o presidente da Fundación Insua dos Poetas, Luis González Tosar; a delegada territorial de Educación, María Luz Fernández, así coma os directores, directoras, profesores e profesoras dos centros participantes.
O acto estivo seguido pola TVG, saíndo no programa " A Revista" con conexións en directo, así coma no telexornal do mediodía.
A imaxe que podedes ver, correspóndese coa actuación do noso centro.

A GLOBAL MUIÑEIRA 

REPRESENTADA POLOS CENTROS QUE REALIZARON A CONVIVENCIA

              

Parabéns a tódolos participantes polas súas actuacións.