DÍA DAS BIBLIOTECAS ESCOLARES

Con motivo da inauguración da biblioteca do centro, o Día das Bibiliotecas Escolares e a proximidade do Samaín, o alumnado realizou diferentes obras de teatro e cancións. Aquí vos deixamos un vídeo con algúns momentos:

DÍA DAS BIBLIOTECAS ESCOLARES

ACTIVIDADES DE HISTORIAS TERRORÍFICAS

Aproveitando a inauguración da biblio do cole próxima ao Samaín, os diferentes niveis de Educación Infantil e de Primaria terán unha caixa de historias terroríficas con contos, cómics e novelas de temática terrorífica como son os medos, a maxia, os monstros e demais. Cada curso poderá desfrutar desta caixa un día, aínda que todos os títulos estarán dispoñíbles na biblioteca todo o curso para o seu uso. Cada caixa conterá unha lista coas historias que hai no seu interior, así como unha das que teñen actividades interactivas ou imprimibles para traballar. Aquí vos deixamos esas actividades, esperamos que vos gusten!

Caixa de Historias Terroríficas de Educación Primaria

- Actividades interactivas de 'O Baúl dos Monstros', de A Pantasma, O Monstro do Armario e O Zombi.

- Actividades de comprensión de El Monte de las Ánimas. 

Caixa de Historias Terroríficas de Educación Infantil

- Actividades interactivas de A Miña Amiga a Escuridade, El Monstruo Milpatas e La Araña Pelillos.

- Pack de pasatempos imprimibles en inglés de Onde Viven os Monstros.

- Actividades interactivas para asamblea de Unha Pantasma con Asma.

Ademais, podedes imprimir estas actividades e pasatempos, tamén con temática de Samaín. Que o pasedes DE MEDO!

NOTA: Todas estas actividades foron elaboradas polo equipo TICs do centro en colaboración co de Biblioteca.