Aproveitando a inauguración da biblio do cole próxima ao Samaín, os diferentes niveis de Educación Infantil e de Primaria terán unha caixa de historias terroríficas con contos, cómics e novelas de temática terrorífica como son os medos, a maxia, os monstros e demais. Cada curso poderá desfrutar desta caixa un día, aínda que todos os títulos estarán dispoñíbles na biblioteca todo o curso para o seu uso. Cada caixa conterá unha lista coas historias que hai no seu interior, así como unha das que teñen actividades interactivas ou imprimibles para traballar. Aquí vos deixamos esas actividades, esperamos que vos gusten!
Caixa de Historias Terroríficas de Educación Primaria
- Actividades interactivas de 'O Baúl dos Monstros', de A Pantasma, O Monstro do Armario e O Zombi.
- Actividades de comprensión de El Monte de las Ánimas.
Caixa de Historias Terroríficas de Educación Infantil
- Pack de pasatempos imprimibles en inglés de Onde Viven os Monstros.
- Actividades interactivas para asamblea de Unha Pantasma con Asma.
Ademais, podedes imprimir estas actividades e pasatempos, tamén con temática de Samaín. Que o pasedes DE MEDO!
NOTA: Todas estas actividades foron elaboradas polo equipo TICs do centro en colaboración co de Biblioteca.
Ningún comentario:
Publicar un comentario